Rahotanni daga birnin tarayya Abuja na bayyana cewar Rundunar sojojin saman Nigeria, NAF, a ranar Alhamis ta karbi rukuni na farko na jiragen sama na yaki kirar A-29 Super Tucano daga kasar Amurka.
Edward Gabkwet, direktan sashin hulda da jama’a da watsa labarai na hedkwatar rundunar sojojin saman Nigeria da ke Abuja ne ya sanar da hakan ga manema labarai.
Kakakin sojojin saman ya ce jiragen sun iso jihar Kano ne misalin karfe 12.34 na rana. Bashir Magashi, Ministan tsaro; Faruk Yahaya, babban hafsan sojojin kasa; da Oladayo Amao, babban hafsan sojojin sama ne suka karbi jiragen a Kano.
Gabkwet ya ce jiragen sun baro Amurka amma za su bi ta kasashe biyar kafin su iso Nigeria. Ya ce: “Kashin farko na Jiragen yaki na super tukano guda 6 sun baro Amurka a Laraba 14 ga watan Yuli, suna kan hanyar zuwa Nigeria.”
“Jiragen shida za su keto ?asashen biyar da suka ha?a da, Canada, Greenland, Iceland, Spain da Algeria kafin su iso Nigeria a ?arshen watan Yuli 2021.”
“An shirya bikin ?addamar da jiragen zuwa cikin kayan aikin rundunar sojin sama a hukumance jim ka?an bayan isowarsu a watan Agusta 2021, kuma za’a sanar a lokacin da ya dace.”
Tun a watan Yuli babban Hafsan sojojin sama, Amao, ya ce ana sa ran zuwan jiragen yaki guda 20 kafin karshen 2021 Ya ce baya da wanda suka iso yanzu, wasu karin Super Tucano shida za su iso a Satumba, yayin da CH-3 biyu da CH-4 UCAV hudu za su iso kasar kafin karshen shekarar 2021.
Gwamnatin tarayyar Nijeriya ta siyo jirage 12 A watan Fabrairun da ya gabata ne, gwamnatin tarayya ta siyo jiragen ‘Super Tucano’ guda 12 akan kudi $496 miliyan. A baya, an sha sanar da ranakun isowar kashin farko na jiragen, kafin wannan sanarwar ta ranar Alhamis.
Gwamnati na fatan jiragen zasu taimakawa sojoji a ya?in da suke yi da yan ta’adda a yankin arewa maso gabashin Najeriya da sashin Arewa maso yamma.
