An bayyana salon mulkin Shugaban ?asa Muhammadu Buhari a matsayin wani tarnaki wanda ya zama wa ‘yan Arewa ?adangaren bakin tulu, a tsige shi ya zama matsala a barshi kuma Arewa ta cigaba da fuskantar tasku.
Bayanin hakan ya fito ne daga bakin ?aya daga cikin Shugabannin ?ungiyar Matasan Arewacin Najeriya Kwamared Kamal Nasiha Funtuwa a yayin wata tattaunawa da manema labarai da ya yi a garin Kaduna.
Shugaban Matasan yana mayar da martani ne dangane da kiran da kungiyar Dattawan Arewa ta yi ga Majalisa na ta tsige Buhari sakamakon gazawarshi wajen samar da tsaro a Najeriya.
“Tabbas batun da kungiyar Dattawan suka yi ?arkashin jagorancin Farfesa Ango Abdullahi ta bakin sakataren kungiyar Dr. Hakeem Baba Ahmed gaskiya ne, Buhari ya gaza ta kowane fanni, amma batun a tsige shi a yanzu mu a matakin matasa ba ma goyon bayan haka, abin da muke magana shine Buhari ya farka ya dage wajen cika alkawarrun da ya yi kafin karewar lokaci”.
“Mu abin da muke bu?ata shine bayan kammala wa’adin mulkin Buhari ya zamana wanda zai gaje shi ?an Arewa ne, domin fitar da Arewa daga cikin halin kuncin da take ciki”.
Dangane da batun harin da ‘yan bindiga suka kai fadar shugaban kasa kuwa Kwamared Kamal Funtuwa ya bayyana cewar bai yi mamakin faruwar hakan ba ta la’akari da yadda aka samu kai hare hare a wasu cibiyoyin tsaro wa?anda suka ha?a da babban Barikin Soji dake gari Jaji Jihar Kaduna, da kwashe daliban kwalejin koyon dabarun noma da gandun daji dake Kaduna wanda ke makwabtaka da sansanin sojin sama dake Kaduna, wannan bai zama abin mamaki ba hari fadar Shugaban ?asa, sannan a hannun guda wani cigaba ne da zai ankarar da gwamnati fahimtar halin rashin tsaro da ‘yan Najeriya ke ciki.
