Rahotannin dake shigo mana daga babban birnin tarayya Abuja na bayyana cewar an samu raguwar ayyukan ta’addanci a Najeriya musamman a shekarar da ta gabata ta 2021.
Rahoton da Hukumar da ke sanya ido kan Ayyukan Taaddanci a duniya wato Global Terrorism Index ta fitar, ya nuna cewa an samu saukin hare-hare taaddanci a Najeriya da akalla kashi 72 cikin 100 a shekarar da ta gabata.
Rahoton ya bayyana cewar wannan dalilin ya sanya a yanzu Najeriya ta koma matsayin ta shida daga ta uku a tsakanin kasashen da su ka fi fama da matsalar taaddanci a duniya.
Rahoton ya ?ara da cewar ayyukan ta’addanci kungiyar Boko Haram ya ragu matuka tun bayan mutuwar shugaban Boko Haram Abubakar Shekau a shekarar bara.
Hakazalika rahoton ya bayyana cewar dakarun sojin Najeriya na samun nasara a ya?in da suke yi da kungiyoyin ‘yan bindiga wadanda ke addabar yankin arewa maso yammacin kasar.